Faxaflóahafnir

Faxaflóahafnir sf. er eigandi að jörðunum Klafastaðir og Katanes auk þess sem höfnin á lóðir þær sem Íslenska Járnblendifélagið hf. og Norðurál hf standa á. Samtals er land í eigu hafnarinnar um 620 hektarar lands á Grundartanga en lóðir undir stóriðjufyrirtækjunum eru samtals 141,9 hektari. Þeir tæpir 480 hektarar sem eru utan lóða stóriðjufyrirtækjanna eru því þróunarland hafnarinnar. Hluti landsins sem er ofan þjóðvegar, sá hluti sem er skógræktarsvæði, verður ekki breytt í náinni framtíð, en land Kataness og landsspilda vestan stóriðjufyrirtækjanna verður hins vegar á næstu árum þróað fyrir fjölbreytta atvinnu- og hafnarstarfsemi. Um þessar mundir er verið að vinna deiliskipulag á tveimur hlutum hafnarsvæðisins. Annars vegar er verið að leggja drög að aðstöðu fyrir lóðsbáta við höfnina, austan núverandi hafnarmannvirkja auk þess sem gert er ráð fyrir nokkurri landfyllingu á því svæði. Ljóst er að kerbrotagryfjur á núverandi hafnarsvæði eru